" Rengekan Dua Bocil" 👬

         "Rengekan Dua Bocil"👬

   Di sebuah kota di negri permen🏞️, ada dua keluarga dong latar belakang beda-beda 👪...... (ke dia beda dengan yang lain tu😅😅).....

       Keluarga Aa dong  termasuk keluarga kaya, dan keluarga Ai yang dong hidup pas-pasan...(intinya beda son sama🤫)... Jadi apa yang Aa minta pasti dia pu mama Deng dia pu bapa langsung kabulkan son pake acara tunggu lama-lama .......(ke tunggu ko liat itu pesan yang Shu centang abu-abu satu Minggu yang son kunjung centang biru tu😆😆)....... 

     Sedangkan Ai harus tunggu, kadang jhu permintaan dia pu mama  son kasih, kadang jhu mau dapat harus penuhi banyak hal baru bisa dapat...(pokoknya dia si paling sabar su🥰😘)...

      Satu hari begini, hari Shu sore🌒, Ai sibuk ko bantu dia mama,  son sengaja Ai Lihat Aa bermain di dia pu depan rumah, ju Ai  liat Aa ada Main pake  mobil baru yang barusan  dia pu mama beli kasih dia. Ai pun tanpa sadar dia senyum dari jauh liat Aa main dia pu mobil ......(pokoknya dia pu senyum te ke liat orang yang dia lagi kagumi balas dia pu sapaan sambil senyum ramah Pi dia ko salting bahagia tu🤣).... 

     Son lama Ai pu mama panggil dia. "Ai......"  Ai pu mama panggil. 

"Ia Ma......". Ai Jawab dia pu mama sambil jalan menuju Pi dapur untuk lanjut bantu dia pu mama yang lagi masak untuk makan malam🍜🍱. Sambil kupas bawang Ju Ai bilang di dia pu mama. "Ma... Ai mau kasih tau mama sesuatu tapi mama nanti Jang marahh eee".......(ini sama persis ke yang dong biasa bilang ade ka mau tanya atau ka mau omong sesuatu ma Jang marah ee😁😆)......

    Pas bilang begitu jhu dia pu mama  langsung simpan sutel ko balik Pi Ai soalnya Ai son biasa omong begitu....(si paling respon😶😁)..... Ai jhu masih takut kalau nanti dia pu mama marah ko dia diam sa, son lama jhu dia Langsung bilang di dia pu mama. " Ma tadi Ai di luar liat Aa main mobil baru yang bagus sekali, Ai jhu mau begitu". Ai bilang di dia pu mama. Son lama jhu Ai lanjut lai "kalau mama ada uang na beli kasih Ai satu sa, Ai jhu mau ada mainan ke Aa punya" dengan hati-hati Ai  bujuk dia pu mama.....(. Tunggu jawaban sesuai ko sonde 😁🤣)

    Jhu Ai pu mama sedih🥲 karena dia son pernah beli kasih Ai mobil mainan begitu,atau mainan apa sa. Son lama jhu Ai Pu mama jawab Ai " Nanti mama beli kasih Ai yang lebih bagus dari Aa punya intinya Ai rajin belajar,Jagan malas, terus jadi anak yang baik" 🥰😘🫂Ai PU mama bilang.....(ini Ju dia mulia ragu, kira-kira ini kasih janji manis sa/harapan palsu atau betulan,,pokonya saya tunggu kalau sonde tagih sa😁😆).........

   Ai pu mama  Shu janji di Ai kalau nanti beli kasih Ai yang lebih bagus. Ai su senang karena dia pu mama nanti beli kasih dia mobil mainan yang dia Shu impikan dari dulu. Ai tambah semangat,dia pu rajin belajar jhu tambah, pokoknya dia usaha untuk jadi anak baik sesuai dengan dia pu mama pu permintaan.

    Sementara Aa setiap sore pasti dia bermain pasti sa ada mainan baru,...(jadi dia pu mainan baru itu seperti hujan yang turun  ke bumi tu😁🤭  son pernah berhenti-henti intinya banjir sa begitu, mau pake ko sonde intinya beli💸...||...anak sultan mah bebas🤵).....

     Beberapa Minggu su lewat, Ju  Ai  pulang dari sekolah,son sengaja dia pulang  sampe pintu gerbang sekolah, tunggu dia pu mama jemput deng motor butut yang dong punya🛵, son lama Aa dia pu mama Deng bapa jemput dengan mobil mewah🚙, son sengaja dia dengar Aa menangis😭 minta belii mainan baru,jhu dia pu mama Deng bapa langsung iakan👪,, Ai Langsung ingat dia Deng dia pu mama pu janji .....(ke yang biasa bilang su mau move on na tiba-tiba nongol ko kasih ingat kembali janji manis yang dia hambur-hambur tu😅)........

    Sampe di rumah ju Ai  langsung cari dia pu mama ko kasih salam dia pu mama di dapur🍜 abis na masuk kamar ko ganti pakian. Abis itu dia pulang lai Pi dapur, sampe dapur  dia pu mama sementara bongkar barang belanja dari pasar🥮🍮. 

       Ai pun talalu senang kira dia pu mama nanti beli kasih dia hadiah permintaannya🥰. Ai son sabar langsung tanya dia pu mama mau pastikan apa sa yang dia pu mama beli."mama beli apa sa dari pasar " Ai tanya dia pu mama sambil senyum-senyum"😊.Mama cuma beli bumbu dapur sa dengan beberapa alat dapur buat pake masak"🥦🥬 Ai pu mama jawab Ai pu pertanyaan sambil sibuk bongkar barang belanjaan dong.

     Ai pun masih sabar jangan sampe dia pu mama beli kasih dia mobil tapi tidak mau kasih tau😘. Selang beberapa menit semua barang shu abis bongkar jhu son ketemu yang Ai tunggu. dia pun nekat ko tnya dia pu mama. " Mama son beli kasih saya yang mama janji ko, nanti kapan mama beli kasih saya" 🤔 Ai  tanya dia pu mama dengan muka ke kesal begitu. Dia pu mama panggil dia ko dekat-dekat ju dia pu mama peluk dia sambil bisik kasih dia sesuatu." Nak.....mama pu uang belum cukup,nanti kalau Shu cukup mama beli kasih Ai, intinya Ai tambah semangat untuk jadi anak baik" ai pu mama bilang dia Ai sambil elus-elus dia pu kepala😘🫂.

     Ai diam sa😶, son lama ju dia balik tanya dia pu mama. " Tapi mama janji Kan nanti beli kasih Ai pu mobil mainan yang Ai minta". " Ia nak mama janji intinya kamu jadi anak baik" Ai pu mama menyakinkan  lagi😘😊 ......( Dia kas yakin sa☺️😊)....

     Waktu taputar terlalu cepat🕙🗒️ son sangka su mau satu tahun Ai tunggu dia pu permintaan dari dia pu mama, tapi dia son kesal. Suatu saat begitu pulang dari sekolah dia jhu liat dia pu kawan lain Deng Aa sementara asik bermain deng dong Pu mainan yang beda-beda dan seru🚴🏂🪂, dia pun tunduk dan jalan terus sampe rumah🏛️. 

       Dalam hati ju dia yakin kalau nanti dia jhu ada soalnya dia pu mama su janji. " Saya ju nanti ada, soalnya saya pu mama Su janji na,son mungkin saya pu mama mau omong kosong saya" Ai pikir dalam dia pu hati🤍♥️....(dia yakin kalau orang yang dia percaya son mungkin kas kecewa)

   Ai pulang sampe rumah jhu rumah hening sa😴, Ai panggil-panggil dia pu mama son jawab,cari di semua kamar jhu son ada. Ai su takut dan khawatir 🤐.

     Dia pulang sampe rumah jhu rumah hening sa, dia panggil-panggil dia pu mama son jawab,cari di semua kamar ju son ada. Ai su takut dan khawatir 😔 dia pu mama jalan Pi mana

    Ai usaha ko tenang tapi son bisa. Dia tetap panggil dia pu mama, akhirnya dia berpikir kalau dia pu mama pasti ada keluar Pi di orang-orang sekitar dan dia putuskan untuk tidur tunggu dia pu mama di kursi teras rumah🏛️🛌. Akhirnya su sore ko senja yang begitu indah Shu mau tenggelam dengan dia pu segala panik takut tu😁🤭.

*Flash back*

     Pagi-pagi setelah Ai pu mama antar Ai pi sekolah🛵🏫. Dia siap-siap untuk pergi ke dealer untuk beli kasih Ai mobil keluaran terbaru yang lagi trend🚗. Sampe di dealer ternyata uang tabung yang pake untuk beli pas dengan harga mobil yang dia incar🚗💸. akhirnya sepakat dan ambil itu mobil, karena Ai pu mama mau kasih kejutan buat dia pu anak (Ai) dia ajak beberapa pegawai dealer untuk pulang sama2 sekalian antar mobil yang dia beli,  Ai pu mama hati berbunga-bunga🌻🌷🌺🌹 karena dia pu anak pasti senang karena dia pu mama beli kasih dia mobil🚗🥰. Pas sampe di rumah Shu malam  dia pu mama liat ai tidur Sonu di kursi teras depan rumah🏛️🛌.

*Flash On*

   Ai yang sementara tidur sonu dengar itu bunyi mobil yang sementara parkir ko dia bangun, bukan senang tapi  bingung😴,entah bangun kaget atau karena banyak mobil yang tiba-tiba sa masuk  dong Pu halaman rumah kaya orang mau demo tu😁🤭. Ai gosok-gosok mata akhirnya dia liat dia pu mama keluar dari salah satu mobil  Ai tambah kaget. " Mama kenapa sampe pulang bawa banyak orang" Ai pikir dalam hati🤍♥️

      ......(Son tunggu lama ke  tunggu ko mau balas chat sa pu chat tu😁😆)...., Jhu Ai langsung barterik " mama............" Ai panggil dia pu mama sambil berlari menuju dia pu mama dengan stengah sadar dan  belum tau kalau ada sesuatu yang nanti dia pu mama kasih🤫😶.Ai su sangat senang karena dia pu mama Shu kembali ......(ke yang su LDR 10 tahun ko tiba-tiba ketemu son pake info 😁😁 pokonya dia pu senang begitu 🤣)....... .

    Sambil peluk dia pu mama  dia Shu mulai kasih tau dia pu rasa takut dari tadi siang🫂....( ke yang biasa Su talalu sayang ko takut kehilangan 😁😁 defenisi dia pu takut begitu🤭😅)......

     Setelah itu dia pu mama panggil dia jalan Pi belakang mobil dong dia pu mama tunjuk satu mobil yang di ikat Deng pita warna pink deng tulisan di sebuah kertas yang bilang " ini Ai Pu mobil" 🚗♥️ Ai pun menangis peluk dia pu mama🫂, trus dia bilang "mama ini mobil buat Ai ko" dia tnya balik dia pu mama untuk pastikan,jhu dia pu mama jawab bilang " ia ini mobil mama pun beli buat Ai karena si Shu jadi anak yang baik, Ai Shu mau tunggu mama untuk tabung buat beli kasih ai mobil bagus untuk Pi sekolah tidak naik motor lai" 🛵👉🚗 dia pu mama bilang. Dia pu mama omong panjang kali lebar😁😆 sambil peluk dan elus-elus Ai🫂....(dia pu mama kasih janji trus tanggung jawab bukan abis janji na senja tenggelam bawa janji ko besok na hilang atau pura-pura son tau janji apa ke tetangga di pulau sebelah tu)😅😅.......

       Setelah semua Shu aman ai deng dia pu mama ajak ajak rombongan dealer masuk dalam dong Pu rumah untuk minum teh🍵☕🧁🍩🍮🥮 setalah itu rombongan pun pamit pulang🛻🚐🛺. Kehidupan selanjutnya si Deng dia pu mama selalu harmonis dan ai selalu percaya dia pu mama karena dia pu mama pu janji Son pernah bohong♥️🫂🤍. Dong dua bahagia sampe dia pu mama jadi Oma 🧓dan dia jadi kakak-kakak ganteng🧑‍💼🤵

Be pu catatan ...(ini penting)....🤍🤍

   "Jang liat orang untuk samakan deng diri sendiri, biar ko masing-masing sesuai dia pu versi ......(kita tu beda son sama/atau yang bia bilang kamu tu beda deng lain😁🤣, marga sa beda,jangankan marga, nama sa beda)...trus Kalau Tuhan bilang bukan sekarang na Jang paksa Tunggu sambil proses sesuai dengan Tuhan Pu mau karena mau paksa jhu son akan bisa, selain itu jhu kadang Tuhan buat ko kita lama tunggu supaya na kalau Tuhan Shu kasih na kita bisa genggam Deng baik  karena kalau Tuhan yang suruh dan janji Son pasti Tuhan tipu Kotong 🤍🤍♥️

#story is over 

ST,19/07/2023

#Nununamat_Gibahan Rasa dalam Kata ✍️✍️🤭

*Ini cerita inspirasi dari dari kawan yang biasa menangis sambil curhat kenapa judul proposal son ACC ke php dosen Trus,jadi  ngarang indah ini cerita buat kas semangat Deng motivasi dia*